Fareweel tae a' oor Scottish fame
Fareweel oor ancient glory
Fareweel e'en tae oor Scottish name
Sae famed in the martial story
Noo Sark runs o'er the Solway Sands
And Tweed runs tae the ocean
Tae mark where England's province stands
Such a parcel of rogues in a nation
What force or guile could ne'er subdue
Through many warlike ages__
Is wrought now by a coward few
For hireling traitors wages
The English steel we could disdain
Secure in our valour's station
But English gold has been oor bane
Such a parcel of rogues in a nation
Oh, would or I had seen the day
That treason thus could fell us
My auld grey heid had lain in clay
Wi' Bruce and loyal Wallace
But pith and power, till my last hour
I'll mak' this declaration
We are bought and sold for English gold
Such a parcel of rogues in a nation