تكماد العظام فوݣ لاموزيك يا محلاه
غا يفوتو ربّي شي قطرات سقف باردين
شحال يهمّ يكون الكيس فلون الگرسون؟
قدام مجرى مجلخ ساشيات و قشور الليمون
راه فعايل شي بعضين رغاوي صابون
و حنا زالݣين
يا البرمة و الله يشويني فيك زيدي فالشو
زيدي السخون و كلشي غايكون من داكشي
سطولا كاواتشو كانو پنوات دابا فشو
كانو شداد عظامي شو كي ولاو دابا هشّين
كان ناشف و رشّوه، جابوه يدير الشّو
زلݣ مع الزالݣين
ا واه واه، ا شايلّاه مولى ضصيصة آمورتي الشوك
صدى الرّدخة يبانضي في الحيوط
زمّم شي شعوذة للّه
ا واه واه، ا ماشكماني فحتميات نطونطي الجّوك
مّي زهرة تلاعبي بالخيوط
عتقي كي جرت العادة
و عادا عادا، مي دادا، دادا حياني
ماشي بلعاني، الجاذبية الزغبية للي دارتها بيا
لا لا لا، الكسّالة، ماشي عشراني
خلّاوني لمحاني، زادو بيا رجليا و ردخاتني هي
يا البرمة و الله يهديك و زيدي زيدي
زيدي شخضي، زندي، نزيدو غا تدويزة و ندوزو
مول الرزمة فهموزو مدوّز لراسو بزبوز
زاطم بجهد الرّكزة و زايد دايز راسو مهزوز
غا يتخطف بنصّ، ݣفاه يزور الضّص
يعيّط وا الصّالحين
ا واه واه، ا شايلّاه مولى ضصيصة آمورتي الشوك
صدى الرّدخة يبانضي في الحيوط
زمّم شي شعوذة للّه
ا واه واه، ا ماشكماني فحتميات نطونطي الجّوك
مّي زهرة تلاعبي بالخيوط
عتقي كي جرت العادة
و عادا عادا، مي دادا، دادا حياني
ماشي بلعاني، الجاذبية الزغبية للي دارتها بيا
لا لا لا، الكسّالة، ماشي عشراني
خلّاوني لمحاني، زادو بيا رجليا و ردخاتني هي
يا البرمة يزيّن يّامك زيدي فالصوت
غنّي على حرّك حنا لمديحك سامعين
ماتو الصالحين عاشو العيوط
زلقنا و زهقو الرهوط و بقينا خالدين
ندور فثلث بيوت
حمّام الزّالِݣين