Oh dear me
The mill is gaen fast
The puir wee shifters canna get a rest
Shiftin' bobbins, coarse and fine
They fairly mak' ye work for your ten and nine
Oh dear me
I wish the day was done
Runnin' up and doon the pass is nae fun
Shiftin', piecin', spinnin', warp, weft and twine
Tae feed and clad my bairnie after ten and nine
Oh dear me
The warld's ill divided
Them that work the hardest are aye wi' least provided
But I maun bide contented, dark days and fine
There's nae much pleasure living after ten and nine
Oh dear me