't Durp is stil, 't liekt verloate, 't rimpelt in 't oavendlicht.
Hugstes 'n paar minse proate, deure dreie langzaam dicht.
't Durp is muuj, 't is verslaage, 't durrep dat verloor vandaag.
Verloor mier dan 't kos verdraage, 't waas teveul wat 't zaag.
Heej stong midde in 't leave, alles wat 'ie zei en doch.
Doar ging genne weg an neave, heej haj an twieje wurd genog.
't Durrep woar 'ie waas geboare, dat bouwde 'ie met elke stien.
Dat durrep het vandaag verloare, 't durrep is vandaag allien.
Vur iederien din os is veurgegoan,
vur iederien din alles het gegeave.
Enne gojje mins blieft altied leave.
'n Leave lang de moeiste kleure, gerimpeld in 't oavendlicht.