Taitutuhon na Tiningo' taihinekkok na Finaye
takkilo'-ña i ta'chong-mo ke i sagan mapagåhes.
Håfa na un dingo på'go i ginefsagan i langet?
O Yu'us na pelegri no sugo' mågi giya hame.
Saina hao, Yu'us Lahi-ña ni i bula minaåse'
mama'taotao yan humuyong Yu'us Taotao, che'lon-måme.
I Mesias hao, i Kristo hagas ham man ma sangåne.
O Yu'us na pelegri no sugo' mågi giya hame.
An humålom i chatanmak ya ma chakchak i ha'åne
un na' sulo' gi san kattan i atdao-mo, bula guåfe.
Hågo i ma'lak na åtdao i mañiñila' na kåndet.
O Yu'us na pelegri no sugo' mågi giya hame.
Cha'-mo chåchågo' Asaina guine gi fanågon-måme
gos manengheng i san hiyong meggai lokkue' i mañakke.
Maila' hålom, Påtgon Yu'us, sa' yan-måme dinanña'e.
O Yu'us na pelegri no sugo' mågi giya hame.
Guai fanhagman i gimå'-ta yangin magof hao humåtme.
Maila' hålom giya hame sugo' ya un ma adahe
kalan i ma'gas i gima' yan Rai i lekka' na långet.
O Yu'us na pelegri no sugo' mågi giya hame.
Nangga nåya gofliion in sangåne hao magåhet
i taotao-mo hao yumute' sa' mañåguat manmandage.
Ti u cho'gue i Chamorro sa' ti ennao påyon-mame.
O Yu'us na pelegri no sugo' mågi giya hame.
Sugo', dikkike' na påtgon maila' ya un ma dandåne
ni man na' magof na dåndan guine gi åtpat pat yan låbbet.
Hago ha' siña dumåndan sa' manungo' hao yan faye.
O Yu'us na pelegri no sugo' mågi giya hame.