Op 'n donker aand diep in Juliemaand
op die pad na Nooitgedacht
waar drie rotse staan teen die sekelmaan
het ek lank gewag die nag.
Want 'n skurk vanouds het 'n sak vol goud
daar begrawe langs die pad
en elke donker aand met die sekelmaan
kom hy terug en soek sy skat.
In die verte hoor ek vier hoewe
soos 'n hartpols diep in die nag.
Dis of die duiwel hom jaag
want die maan sit al laag
op die pad na Nooitgedacht.
Dis of die duiwel hom jaag
want die maan sit al laag
op die pad na Nooitgedacht.
Verse
By die spookklippe naby Nooitgedacht
so't die mense my vertel
kan geen man dit waag op 'n donker nag
hy begeef hom in die hel.
Maar ek het vas gestaan en gese ek gaan
Man alleen een donker nag.
Ek het myself gestaal en my perd laat haal
maar ek het so iets nooit verwag.
Want die vuurvonke spat uit sy hoewe
en tien vlamtonge speel in die nag
en die ruiter le plat
want sy perd ken die pad
na die skat van Nooitgedacht.
Verse
Ek het te veel gesien en ek dog miskien
is die beste plek die huis.
Want ek ken gevaar maar ek trap onklaar
en ek wens ek was al tuis.
Maar die huis is ver en die morester
hang spookagtig oor die veld.
Dis geen plek vir my ek wil liewer ry
gee die kerel maar sy geld.
Maar die hoefslae dreun in my ore
en 'n skim skiet stil uit sy saal
en die vuurvonke spat soos hy grou langs die pad
want hy kom om sy skatte te haal.
Verse
Maar die burgers gun hom geen rus nie
soos 'n veldbrand kom hulle aan.
En die Mauservuur dreun en looddruppels reen
en ek dog die einde breek aan.
Maar twee kole gloei in sy oe
met een haal is hy weer in die saal
en sy perd ploeg die lug in sy ylingse vlug
want hy weet die dood kom hom haal.
Op 'n donker aand diep in Juliemaand
op die pad na Nooitgedacht
waar drie rotse staan teen die sekelmaan
het ek lank bly le die nag.
En ek weet geeneen sal my glo nie.
Dit klink alles so gek in die dag
Maar wees elkeen wat lag
eenmaal daar in die nag
op die pad na Nooitgedacht.