Kuv naj nub pheej xav txug Koj kev hlub Yexus,
Ib yaam hav txwv luj ntsuag tsi tau;
Leej twg paub saib qhov dlaav hab qhov tub Yexus,
Kuv ntshai tsi muaj ib leeg txawj paub.
Koj hlub kuv, Koj txhaj lug huv nplajteb Yexus
Tseg Koj lub tsev zoo nyob puag sau ntuj
Koj lug nyob nplajteb nuav, txhaj le tuag Yexus
Txhob-txwm muab txujsa lub theej kuv
Kuv xaav txug Koj kev hlub, kuv tug Tswv Yexus,
Kuv tau txais koobmoov suav tsi txheeb;
Tau mov noj tau dlej haus, kuv tug Tswv Yexus,
Kuv muaj noj muaj haus ib sim neej
Koj this kuv Koj cov ntshaav txhaj le nrug Yexus
Koj dlaws kuv lub txim povtseg huv si
Koj khaiv Vaaj Ntsujplig lug nrug kuv nyob Yexus
Coj kuv taug kev ncaaj moog ib sim
Koj kev hlub yaam tshaav ntuj ntsuag tsi tau Yexus,
Yaam le tej nub qub mo ntuj ci;
Yaam xyoob ntoo nyob haav zoov pum tsi txhua, Yexus,
Koj tseem pheej hlub kuv moog ib txhis
Muaj ib nub kuv yuav tau nrug Koj nyob Yexus
Yuav tsaa ncauj tsaa lug lug qhuas Vaajtswv
Kuv tsi txawj ua Koj tsaug taag kuv sab Yexus
Kuv txhus caug peg-teb pe koj xwb
Kuv lub ncauj ua Koj tsaug, kuv tug Tswv Yexus,
Koj ris kuv hlub txim sau ntoo khaub lig;
Kuv lub sab ncu ntsoov Koj, kuv tug Tswv Yexus
Rua qhov koj hlub kuv tso kuv dlim.