Vajtswv thov koj foom koob hmoov rau
Peb cov ntseeg uas los ntawm no
Koj yog tus uas muaj siab dawb paug
Peb thiaj cia siab los cuag koj
Tej uas peb ntseeg tej ntawd ruaj khov kho
Peb yeej nco ntsoov koj tshav ntuj
Peb los qhuas koj peb los hwm koj
Peb tau zoo nyob kaj siab lug
Vajtswv koj twb pab peb kawg nkaus
Nim no peb thiaj los hwm koj
Koj hlub sawv daws tus hlob tus yau
Koj txib Yesxus los theej txhoj
Tswv Yexus tuag saum tus ntoo khaub lig
Nws tsis khuv xim Nws txoj sia
Peb cov ntseeg thiaj yuav tsis raug txim
Peb ua Vajtswv haiv neeg tiag
Vajtswv thov koj pub tus ntsuj plig
Kav tag nrho peb siab peb ntsws
Peb yuav cia Nws kav huv tib si
Peb muab txhua yam tso rau Nws
Peb yuav coj lub neej raws koj siab nyiam
Thov koj qhia thiab thov koj ntuas
Peb yuav nyob hauv koj lub xub ntiag
Ib sim neej mus tso siab plhuav