O, spitsverkeer is soos swem in konfyt
Jy sit net daar en mors jou tyd
Alles raak vinnig en meer effektief
Nou hoekom behandel die paaie my stief?
Die BMW langs my bestuur soos sy gat
Sy flikkers werk mos nie en dit maak my sat
Die tannie hier voor my sit lipstiffie aan
Ag Mevrou, kom tog net uit die vinnige baan!
O, verkeer, o, verkeer, jy’s een letter van verkeerd!
Want die moegoe in die wit Hilux wag dan nie sy beurt
O, verkeer, o, verkeer, jy sou my dryf na moord
Maar hier sit ek nou maar en ploeter stadig voort
Ek sien die kantoor maar hy kom niks nader
Gee my tog geduld, o Hemelse Vader
Die mense op RSG irriteer my
Kan ek nie maar eerder by die huis bly
O, verkeer, o, verkeer, jy’s een letter van verkeerd!
Want die moegoe in die wit Hilux wag dan nie sy beurt
O, verkeer, o, verkeer, jy sou my dryf na moord
Maar hier sit ek nou maar en ploeter stadig voort
O spitsverkeer, o spitsverkeer
Hoe aaklig is jou weë
O spitsverkeer, o spitsverkeer
Jy maak my reëls oortree
Ek sal eerder skottelgoed was
Of Jacob Zuma by my huis vergas
O spitsverkeer, o spitsverkeer
Ek geniet jou nie terdeë
Ek trek toe maar na die platteland
Die strate se stilte is werklik briljant
Maar soms moet ek nog na die stad toe gaan
Dan wens ek die taxis vlieg reg na die maan
O, verkeer, o, verkeer, jy’s een letter van verkeerd!
Want die moegoe in die wit Hilux wag dan nie sy beurt
O, verkeer, o, verkeer, jy sou my dryf na moord
Maar hier sit ek nou maar en ploeter stadig voort