Wenn i denk, dass i denk, aber gspiar - i verlier'. Wenn mei Akku wieder mol immer leerer wird
Und koa Strom der des richt und koa Tankstell' in Sicht. Ja dann brauch i jemand, der mi repariert.
Schenk ma a Liacht, des für mi leicht. Des ma den Weg in alle Himmelsrichtungen zeigt!
Schenk ma an Freind an jedem Dog und ned irgendan Deppen, der ma sogt wos i wia zu machan hob!
Wach i auf in da Fruah - meine Aung san no zua, doch i woas i muas heid wieder funktionier'n.
Oba wia soll des geh, wenn i im Finstern steh? Wenns so weida geht muas i den Dog stornier'n.
Schenk ma a Liacht, des für mi leicht. Des ma den Weg in alle Himmelsrichtungen zeigt!
Schenk ma an Freind an jedem Dog und ned irgendan Deppen, der ma sogt wos i wia zu machan hob!
Die Energie aller Andern treibt mi a ned nach vorn. I konn statt laufen nur wandern.
Oh man wos is nur aus mir woan?
Doch af a mol kummt a Blitz und i gspiar wia der sitzt und er ladt de Batterien wieder auf.
Und in mir wird es Mai und der Regn geht vorbei. Plötzlich kumm i vo ganz unten wieder rauf!
Danke fürs Liacht, des für mi leicht. Des ma den Weg in alle Himmelsrichtungen zeigt!
Danke fürn Freind an jedem Dog und ned irgendan Deppen, der ma sogt wos i wia zu machan hob!
Und ned irgend an Deppen, na ned irgend an Deppen - ohohoh und ned irgend an Deppen,
der ma sagt wos i wia zum machan hob!
