Tequila o kerosene, urmai, fa' mea differenza
e vardi sta chitàra in soel muur de la mia stanza,
L'ho purtàda in tutt el muund, l'ho gratàda 'me na crusta,
soe la pèll gh'emm tucc i straad cume' i culpi de 'na frusta
Verse
Una dona in valtelèna che parlava cun't i Saant,
la m'ha dii che tucc i lègn se regòrden i so piaant,
Che gh'è un lègn per fa' una cruus e un lègn per fa' una porta,
per el lègn de 'na chitàra la sua pianta l'è mai morta.
Verse
La m'ha dii che 'sta chitàra l'ha viagiaa sura una barca
e che forsi l'ha sunada anca un certo Garcìa Lorca,
L'è finìda soe in Irlanda da un ciuchee del Connemara,
l'hann sunada anca in Camargue per el de' de Santa Sarah.
Verse
Quaand che l'ho incuntrada me, l'era in mann ad un jazzista,
un gitano cui barbiis e un prublèma alla sinistra,
Ma una nòcc ghe l'hann rubàda, forsi l'era troppa bèla
l'ho ritruvada in Algeria cun deent un boecc de rivultèla.
Verse
L'ho curàda, l'ho guariida e la sunava pussee alègra,
duve prema gh'era un boecc g'ho faa intarsià una roesa negra,
L'ho sunada in soe la naav quaand che i geent cambiaven tèra,
l'ho dupràda 'me 'na spada per tajàcch el coo alla guèra,
Verse
Un fioe del Minnesota l'era dree a scapà de ca',
un dè el m'ha dumandaa se la pudèvi prestà,
L'ha faa una canzòn sura un trènu piee de geent
cun deent una risposta che la bùfa ammò in del veent
Verse
Ogni corda la disèva quell che 'l teemp purtava via,
ogni mànegh de chitàra in fondo el paar 'na ferrovia,
La distanza la moev quel che 'l coer el spècia
e semm bon de cambià nota senza mai cambià la facia.
Verse
Ho cantta canzòn de lena sura i sàss de la Sardègna,
ho cantta canzòn fantasma dennaanz ai cruus de la Bretàgna,
Ho sunaa per chi beveva senza mai desmentegà,
ho sunaa per chi ne nava e per chi turnava a ca'
Verse
E hai suonato Rosanera, per far solletico a 'sto mondo,
fuori dai cessi e dalle chiese, per il secrista e il vagabondo,
Abbiam deciso di suonare senza pesare le persone,
solo chi spara a una chitarra non ha diritto a una canzone
Solo chi spara a una chitarra non ha diritto a una canzone.
