Chove, chove en Santiago
meu doce amor.
Camelia branca do ar
brila entebrecida ô sol.
Camelia branca do ar
meu doce amor.
Chove, chove en Santiago
na noite escura.
Herbas de prata e de sono
cobren a valeira lúa.
Herbas de prata e de sono
na noite escura.
Olla, olla a choiva pol-a rúa,
laio de pedra e cristal.
Olla no vento esvaído
soma e cinza do teu mar.
Olla no vento esvaído
laio de pedra e cristal.
Soma, soma e cinza do teu mar
Santiago, lonxe do sol.
Agoa da mañán anterga
trema no meu corazón
Agoa da mañán anterga.
Santiago, lonxe do sol.
Chove, chove en Santiago.
Santiago, lonxe do sol.
Chove, chove en Santiago
laio de pedra e cristal.
Chove, chove en Santiago
na noite escura.
Chove, chove en Santiago