Why weep ye by the tide, Lady
Why weep ye by the tide?
I'll wed ye tae my youngest son
And ye shall be his bride
And ye shall be his bride, Lady
Se comely tae be seen
But ay she's let the tears doon fall
For Jock o' Hazeldean
Noo let this wilfa' grief be done
And dry that cheek so pale
Young Frank is chief of Errington
And lord o' Langleydale
His step is first in peaceful ha'
His sword in battle keen
But ay she let the tears doon fall
For Jock o' Hazeldean
A chain of gowd ye shall nae lack
Nor braid to bind your hair
Not mettled hound, nor managed hawk
Nor palfrey fresh and fair
And ye the fairest of them all
Shall ride oor forest queen
But ay she's let the tears doon fall
For Jock o' Hazeldean
The kirk was decked at morning tide
The tapers glimmered fair
The priest and bridegroom wait the bride
And dame and knight are there
They sought her baith by bower and ha'
The lady was not seen
She's o'er the border and awa'
With Jock o' Hazeldean
She's o'er the border and awa'
With Jock o' Hazeldean