in da hammerschmidgossn steht a oide fabrik
speda woa durt da woschsalon drin
und glei vis a vis die gresste gstettn im bezirk
jeden dog so um zwaa samma hin
und maunchmoi sans kumman aus hölignstod
daun is s eng wurn ois wia in an soag
wäu mia woan nur drei oba da privoznik dabei
und da privoznik woa blaad oba stoak
da privoznik woa blaad oba stoak
und die gstettn is weg und da privoznik aa
und da woschsalon hod zua
i sog seavas zu meina gossn
und die gossn griasst ned retour
a richtige dame hods aa gebn durt drobn
rode hoa und imma schlecht drauf
sie woa hechstns dreissg oba ia mau woa scho tot
wäu iangdwos heat imma iangdwo auf
und drei joa hob i braucht bis i mi amoi trau
und ia sog daß s ma super guat gfoid
wias soweit woa is s wegzogn noch übasee
und wauns no lebt is s heid sicher uroid
wauns no lebt is s heid sicher uroid
und die dame is weg und die gestettn aa
und i foig ana foischn spua
i sog seavas zu meina gossn
und die gossn griasst ned retour
wauns di konzentrieast daun riachst an nussbaam
wauns die augn zuamochst heast a taubn
oba dei erinnerung is a foische kanon
egal wos die aundan leid glaubn
und die gstettn is weg und vo die reihnhaustypn
pflegt a jeda sei stickal natur
i sog seavas zu meina gossn
und die gossn griasst ned retour