The place war me and my love bide
The sun it never gaes doon, bonnie love
The sun it never gaes doon
"Go saddle me the milk white steed
That I may ride all aroon, bonnie love
That I may ride all aroon, bonnie love
That I may ride all aroon"
"When will ye come back again
When will ye come hame"
"When the heather hills are nine times brunt
And a' grown green again, bonnie love
And a' grown green again"
"That's o'er lang tae bide awa'
That's o'er lang frae hame
The baby that's nae born yet
Will be o'er lang wantin' his name, bonnie love
Will be o'er lang wantin' his name"
Then he turned around his high horse heid
And fast awa' rode he
And she kilted up her gay clothing
And fast, fast followed she, bonnie love
And fast, fast followed she
Noo the firsten toon that they cam' to
He bought her a rose and gems
And bade her rue and return noo
And nae mair follow him, bonnie love
And nae mair follow him
"It's love for love that I do want
Love for love again
And it's hard when I love ye sae weel
And ye nae me again, bonnie love
And ye nae me again
Oh, the neesten toon that they cam' to
He bought her a rose and gems
And he bade her rue and return noo
And nae mair follow him, bonnie love
And nae mair follow him
"It's love for love that I do want
Love for love again
And it's hard when I love ye sae weel
And ye nae me again, bonnie love
And ye nae me again
The neesten toon that they cam' to
He bought her a wedding ring
And he bade her dry her rosy cheeks
And he would tak' her wi' him, bonnie love
And he would tak' her wi' him
"And it's love for love that I hae got
Love for love again
So turn your high horse heid aboot
And we will ride for hame, bonnie love
And we will ride for hame"