Kantádu ma dimokrasiâ,
Ma stába sukundidu,
Ma tudu dja sai na kláru
I nós tudu dja bira sabidu.
(2X)
Kada um ku si mania
Fla rodóndu bira kuadrádu,
Kada um ku si tioriâ
Poi razom pendi di si ládu.
Ti Manel bira Mambiâ,
Ti Lobu bira Xibinhu,
Ti flánu ta faze majiâ
Ta poi grógu ta bira vinhu.
(MUDA O RITMO)
Mintira pom di kada dia,
Verdádi ka s'ta kontádu
Nós tudu bira só finjidu
Ku kombérsu di dimagojiâ.
Vida bira simplismenti,
Tudu é agu na balai frádu
É rialidádi di oxindiâ.
Maioriâ sta tudu kontenti
Ku avontádi na dimokrasiâ
Fládu fla ka tem simenti,
Dipós di sábi móre é ka náda.
Inglés bem toma si tchom,
Sam-Fransisku bira más sábi,
M-kré odja róstu-nhu Djom
Ta ri ku si kumpadri.
Dja skesedu di Pepé Lópi
Bá rabuskádu Nhu Diogu Gómi,
Rasusitádu Nhu Kraveru Lópi,
Ka ta konxedu Inásia Gómi.
Ali bem témpu ditádu-Nhu Náxu
Ta bira sima juís di mininu
Gentis djunta grita abáxu
kabésa ki dja perde tinu.
kabésa ki dja perde tinu.
É kabésa ki dja perde tinu.
kabésa ki dja perde tinu.
kabésa ki dja perde tinu.
É kabésa ki dja perde tinu.