Die land van Transvalië is woes en rof
Almal se baarde en hande is grof
Dis donder en bliksem en ploegskare
Dis velskoen en braaivleis en borshare
N.C.
Hier woon ’n dokter genaamd Fransstein
Hy wil uit biltong lewe kry
Hy neem toe die vleis met 'n LK's-braaitang
En laat dit in 'n rooster oor die kole hang
Die donderweer grom, die blitse die kom
Vet reëndruppels val neer
Die rooster getref, die Biltong besef
"Ek lewe niks gaan my keer"
Biltong, die zombiehond!
Biltong, heranimeer
Biltong, die zombiehond!
met worcestersous besmeer
Frans is oorstelp, sy plan het gewerk
Die biltongkie swaai sy tandestokstert
Maar toe Biltong die dokter se boerboel sien kwyl
Weet hy hy kan nie nie veel langer hier verwyl
Die boerboel hy grom, die dokter’s verstom
Biltong besef hier kom stront
N.C.
Jy soek my rond, jy soek my bont
Ek is Biltong, die Zombiehond
Biltong, die zombiehond!
Biltong, heranimeer
Biltong, die zombiehond!
met koljander gegeur
Biltong stap in die grondpad af
Toe hoor hy iemand langs hom draf
Kittie die kat lyk honger verby
En Biltong dink hier moet ek blitsvinnig gly
Die kat mik vir hap, ou Biltong laat spat
En dan roep hy vrolik en hard
Jy soek my rond, jy soek my bont
Ek is Biltong, die Zombiehond
Biltong, die zombiehond!
Biltong, heranimeer
Biltong, die zombiehond!
Waai sy stertjie weer
Biltong loop toe vir jakkals raak
Wat sê "klim op my snoet"
Maar net voor die jakkals kon hap
Skree iemand "se voet!"
’n Droëworsie verskyn uit die niet
En wink vir Biltong "kom saam"
Nou woon die twee in koljandervelde
Met hul Cabanossi-kroos saam
Biltong, die Zombiehond!
Biltong, heranimeer
Biltong, die Zombiehond!
Met Worcestersous gesmeer
Biltong, die zombiehond!
Biltong, heranimeer
Biltong, die Zombiehond!
Met worcestersous gesmeer