Lub xyoo laug taag nrho moog,
Xyoo tshab tawm plawg tuaj lawm,
Yug yuav tsum hloov dlua lub sab tshab,
Moog txais koob moov xyoo tshab
Tov Tswv Yexus lug kaav,
Qha kuas sis hlub sis pab,
Yug txhaj ua npoj ua lug thaws xyoo,
Tau txais Vaajtswv koob moov
Lub xyoo laug taag nrho moog,
Xyoo tshab tawm plawg tuaj lawm,
Txhua yaam txhua tsaav kws tsi muaj feem
Yuav muab pov nrug xyoo laug;
Yuav xyum has tej lug tseeb,
Yuav xyum kev ncaaj kev nceeg,
Yuav ntxuav lub sab kuas dlawb kuas huv,
Muab fij ua Vaajtswv tug.
Lub xyoo laug taag nrho moog,
Xyoo tshab tawm plawg tuaj lawm,
Txhua ncauj tsaa lug thov Vaajtswv Ntuj,
Foom txuj koob moov rua yug;
Txawm yog kev pluj kev tuag,
Txawm yog kev ntsoj kev ntsuag,
Yug yuav tso sab rua Vaajtswv Ntuj,
Vaajtswv txhaj yuav paab yug.