Ntiaj teb Vajtswv tsim tseg
Nws pub peb nyob ib ntus
Txawm yog xav nyob npaum twg los xij
Yeej yuav tau muab tso tseg
Vajtswv ntuj txoj kev hlub
Thiaj yog qhov tseeb thiab ruaj
Nyob hauv ntiaj teb nrhiav txhij nrhiav txhua
Nrhiav txog twg los tsis muaj
Ntiaj teb muaj xyoob muaj ntoo
Zoo nkauj zoo nyob tas nrho
Coob leej ntau tus tau xav hais tias
Yuav tsis muaj hnub dua mus
Tiam sis Tswv ntuj tsawm cia
Ntiaj teb yuav raug kub hnyiab
Yog tshuav leej twg tsis tau los ntseeg
Cia li los ntseeg nim no
Ntiaj teb tsis ruaj tsis khov
Tsis ntev yuav yaj yuav ploj
Qhov txhia qhov chaw hauv lub ntiaj teb
Vajtswv yuav muab pov tseg
Cov ntseeg Vajtswv yuav mus
Nyob saum lub ceeb tsheej ntuj
Yuav tau nrog Vajtswv nyob qhov ntawd
Mus li ib txhis tsis kawg