Duje viecchie prufessure 'e cuncertino,
nu juorno, nun avevano che fá.
Pigliájeno 'a chitarra e 'o mandulino
- Ttuppe-ttù - "San Pié', arapite!
ve vulimmo divertí "
"Site 'e Napule?! Trasite!
e facitece sentí "
"V'avimm''a fá sentí doje, tre canzone,
Suspire 'e vase Museca 'e passione
Rrobba ca sulo a Napule se fa
E 'a sera, 'nParaviso, se sunaje
e tutt''e Sante jèttero a sentí
"Carmela, 'o Sole mio, Maria Marí' "
"Ah, San Pié', chesti ccanzone,
sulo Napule 'e ppò fá
'A sentite 'sta cittá?
E, sott''o sole e 'a luna, vuje sentite
sti vvoce, ca só' voce 'e giuventù
Si po' scennite llá, nun 'o ccredite?!
Vuje, 'nParaviso, nun turnate cchiù! "
Ma, doppo poco, da 'a malincunía
Suffrévano nu poco 'e nustalgía
"Mo, San Pié', si permettite,
nuje v'avimm''a salutá "
"Site pazze! Che dicite?
Nun vulite restá ccá?!"
"Nuje simmo 'e nu paese bello e caro
Pusìlleco, Surriento, Marechiaro
'O Paraviso nuosto è chillu llá!"